من أنا

صورتي
عندمــــــــــــا امنحك تواضعـــــى .. لا تسلبـــــــني اعتزازي بنفســـي

no copy

الأحد، نوفمبر 27، 2011

أضـــــــــــــغاث زواج

إستيقظتُ من النوم ولم أجد  زوجي بجواري 
غريب !!
اليوم هو الجمعه يوم راحته من العمل ..وهذا اليوم تحديداً لايستيقظ باكراً أبداً
أين ذهب هذا الرجل ؟؟
تحركتُ من تحت الغطاء لأبحث عنه 
وتفاجأتُ حين رأيته في المطبخ !!
إبتسم لي وقال:
حبيبتي ..صحيتي بدري ؟؟
كنت حابب اعمل الفطار بنفسي انهاردة وكنت هاصحيكي واصحي الاولاد علشان نفطر مع بعض
ياإلهي مَن هذا الرجل ؟؟بالتأكيد ليس زوجي !!
ما هذا النشاط؟؟ وماتلك الإبتسامة الحانية !!..إنه أيضا يناديني حبيبته 
هل أصاب زوجي مَس ؟؟
 ***********************
جلسنا جميعاً على طاولة الطعام بعد أن أيقظ الأولاد لنفطر سوّياً
عاملنا بكل ود وحب وظل يداعهبم ويداعبني طوال الوقت كي نأكل جيداً
وسألته أي نوع من الطعام يرغبه على الغداء..
قال والإبتسامة لاتزال تعلو وجهه :
لا حبيبتي ..ارتاحي انتي انهاردة ..طول الاسبوع وانتي تعبانه ومرهقة معانا 
انهاردة هنخرج كلنا ونفسح الاولاد ونتغدى بره  
وقفزت والأولاد نعانقه ونقبله 
زوجي اليوم رجل مختلف تماما يعاملنا كرب أسرة حقيقي 
وينتقي عباراته بمنتهى الرقة والهدوء..
وخرجنا جميعا الى مكان يلعب فيه الاطفال ويلهون
وبِتُ أرقبه وهو يلعب مع أولاده ويصوّر ابتساماتهم وضحكاتهم
ولم ينسني.. بل في كل دقيقة يرسل لي تحياته وقبلاته ويأتي ليجالسني 
وأحضر لنا جميعا المشروبات والحلوى ليزيد علينا البهجة في تلك الرحلة
وأمضينا وقتاً رائعاً لم أشهده طوال سنوات زواجي السبعة
***********************
عدنا الى البيت منهكين ومتعبين 
ولكنه أصر على أن يذهب الأولاد جميعهم الى الإستحمام وليقم هو بتحضير وجبة العشاء
وبالفعل سمع الأولاد كلامه بكل هدوء ودون اي جدال وذهبوا للإستحمام
والتفوا حول المائدة مرة أخرى ليأكلوا الطعام الذي أعده لهم والدهم بنفسه
وذهب معهم الى غرفهم ليطمئن على نومهم الهادئ...
وبينما أقوم بتبديل ملابسي سألته لماذا لم تأكل مع الاطفال
هل ترغب أن أعد لك شئ مختلف؟؟
قال لي:
"لا ياحبيبتي ..انتي هتغيري هدومك دلوقت وتلبسي اجمل حاجة عندك 
لاننا هنخرج لوحدنا المرة دي
هنروح سينما وبعدين انا حاجزلك في مكان هايل على النيل نسهر فيه "
قال كلماته تلك بنبرة سنيمائية عميقة الاحساس و نظرة تتوسلان مني عدم التعذر بالإرهاق
وقد عزمت على أن لا أُضيّع فرصة قد لاتتكرر إلا بعد سبعة أعوام أُخرى
وخرجنا سوياً ..كنت أميرة تلك الليله ذهبنا الى السينما وأخذني بعدها الى مكان ساحر وطلبني للرقص ..لم ارقص معه منذ يوم زفافنا 
أنا الليله امرأة مختلفة 
أنا الليلة امرأة جديدة .. استطاع بيديه أن يصنعني 
استطاع أن يعيدني الى ذاتي والى احضانه مرة أُخرى
عدنا الى البيت بعد يوم مُهلك ولكنه يوم رائع 
زوجي اليوم يتصرف بغرابة ..لا أدري ما السبب؟؟!!
ليته ينتهج هذا التصرف طوال الوقت ..طوال العمر
لكن ..
يا إلهي !! المنطق يقول أن التغيّر الإيجابي المفاجئ للزوج له سببين : 
اولاً :    إما أنه على علاقة بأُخرى فيحاول بذلك أن يُخفي خطأً إرتكبه
        ثانياً :  أو قد يكون هذا التغيير نتيجة أنه يقوم بوادعنا الى الأبد ..ربما قد حان الأجل ويرغب بأن يرانا مجتمعين للمرة الأخيرة قبل رحيله
ياإلهي لا ..لا ..لا..لا..لا..لا..
********************
وأفقتُ من نومي ..لقد كنتُ أحلم
أفقتُ على صوت زوجي الخالي من أي ود ورفق  كالعاده
" قومي ياوليه حضري الفطار .. واعمليلي الشاي ابو لبن "
**********************
التقطتُ أنفاسي..
حمدا لله هذاهو زوجي
ليس على علاقة بأخرى
وهو لم يكن يودعنا الوداع الاخير
حمداً لله أن مارأيته كان مجرد حلم وليس حقيقة
ولو أن الِقسْمَ الأول من الحلم كان في غاية الروعة
وسيبقى حلما فقط 
وإلا أصبحت أضغاث زواج

هناك 10 تعليقات:

  1. ههههههههههههه ابتسامة عريضة يا شيري و من الأذن للأذن
    اولا احب ان اهنئك على "لوك" المدونة الجميلة و الذي يوحى بمرحلة اكثر ثباتا و ثقة و هدوء و ايضا تحية اخرى لصورة السيدة \ الزوجة و تلك التعبيرات على وجهها و توافق ذلك مع اضغاث احلامك , بس بجد لفتت نظري التفسيرين اللى دايما بتفكر فيهم اي ست للتغي المفاجىء للمعاملة و هو يإما بيخونها او الأكثر شاعرية على الاطلاق انه يكون "بيودع"
    تعرفي في فيم العشق و الهوى لما احمد السقا سأل بشرى انتى سعيدة و لا لاه , قالت لو كنت سألت السؤال دا من سنتين مكنتش عهرف ارد لكن من سنتين بس انا اسعد انسانة في الدنيا و دول طبعا السنتين اللى كان متجوز عليها !!!!!!!!! ليه ؟؟ سؤال للرجالة يعنى هو لازم نتفق لكم على حد تمشوا معاه الوقت اللى نحس فيه انكم لازم تتغيروا؟؟ و لا نطبق قانون المعاملة بالمثل ؟؟ تحية جامدة ليكي يا شيرى و الابتسامة برضوا شغالة

    ردحذف
  2. ههههههههههههههههههههه
    بطلو احلام بقى وابقو شدو اللحاف
    يماما الكلام دة فى كتب كان ياما كان
    ....
    تحفة بجد ياشيرى وشايف فيكى بذرة تنبيء بقدرة على كتابة القصة شد حيلك يباشا ساحة الأدب بإنتظارك

    ردحذف
  3. عزيزني الغالية هدير
    تحية لمرورك الجميل دائما..
    مش عايزة اصدمك بس الحقيقة ان الرجالة فبل الجواز بيتغيروا 180 درجة بعد الجواز....ودايما عندهم احساس بالاضطهاد ماتعرفيش جايبينه منين ...على طول عايشين دور الضحية
    كفاية كده مش عايزة افتح ع الرابع واعقدك
    سيبك انتي انا سعيدة بمرورك فعلا ..وانا اللي احب اهنيكي على لوك المدونة بتاعك الراقي جدا وكمان كتابك (حكايات النورس) انا متاكده انه كتاب مميز زي شخصية كاتبته وان شاء الله يلاقي نجاح لا نظير له
    تحياتي ياقمر

    ردحذف
  4. صديقي الغائب الحاضر دائما ..

    ينفع غياب قلمك دا ؟؟؟ ينفع طول الوقت قافل مدونتك لحين اشعار اخر؟؟
    طيب والشعب ذنبه ايه ؟؟؟ليه تحرمنا من ادبك واسلوبك الرائع ؟؟
    طبعا انا مقدرة انشغالك بالرواية اللي بتحضر لنشرها - واللي انا متأكده انها ان شاء الله هتكون بصمة مميزة في عالم الادب والروايه بشكل خاص - بس دا مايمنعش انك تغدق علينا ولو قليلا ببعض من هذا الادب وهذا القلم الخاص جدا

    انا على فكرة ببارك لك مقدما على الكتاب وكلنا في انتظاره بفارغ الصبر
    ****************
    اما بالنسبة للحاف اللي عايزنا نشدوا ...فالعيشة بقت غالية ياصاحبى والرجالة بطلوا يشتروا لحاف لزوجاتهم
    علشان كده بنحلم بالكوابيس :))
    لكن ...
    وعلى اي حال ..
    احنا وراكم وراكم والزمن اطول ؛))
    *************

    وبغض النظر عن مسألة الرجال والنساء.... الا اني متشكرة جدا جدا لمرور عقل وفكر وقلم بحجم وقامة نور الدين (محمد) الجيزاوي.. بعد طول
    غياب
    فياريت بجد ماتحرمناش من كتاباتك يامحمد

    تحياتي صديقي

    ردحذف
  5. فيــــــــــــــــــن الأكــــــــــل

    كلمة تلخص سيستم الرجالة المتجوزين فى مصر:))

    ردحذف
  6. صديقتي الغالية وفاء
    فين الاكل؟؟
    فين القميص؟؟
    فين الشراب؟؟
    فين ريموت التليفزيون؟؟
    فين الشاي ابو لبن؟؟
    فين ريموت التكيف؟؟
    فين الحمام؟؟
    ده بقى سيسنم كل الرجالة
    الاهم ان المشكلة مش محلية ده بقت مشكلة عالمية لرجال العالم
    بقت ظاهرة ياصديقتي ومحتاجة دراسة وتحليل
    كسل ودلع واهمال وتذمر هلى الفاضي والمليان
    برده مش عايزة اعقدك
    انتي لسة مادخلتيش دنيا
    يالله كله بثوابه

    وحشتيني يااغلى الناس
    تحياتي لمرورك الجميل

    ردحذف
  7. سلام الله على شيرى .على فكرة فى بداية القراءة مش عارفة ليه حاسيت ان المسكينة هتقوم تلاقى نفسها على السرير .اتغطوا كويس وسبكوا من اللحفة الفيبر وخليكوا فى البطاطين .اسلوبك رائع شيرى والحلم ده اوووووووواقصد الموضوع ينطوى على فكرة جميلة .وميرسى على رسم ابتسامة على وجهى تحياتى لك شيرى

    ردحذف
  8. الغالية لورانس
    ***************
    بالتأكيد كل ست في الدنيا بتحلم ان يكون عندها راجل بالمواصفات ده
    انسان حنون شهم ..يقدر تعب الست في البيت وبيحاول يساندها مش لازم طول الوقت ولكن على الاقل ايام اجازاته
    الراجل مش قادر يفهم ان هو يقدر ياخد اجازة ويريح باله ودماغه.. الا الست ماتقدرش تاخد اجازة
    اذا اجزت منه حاتروح فين من الاولاد ..واذا اجزت من الاولاد حتروح فين منه ومن البيت
    طبعا احنا كستات محتاجين بطاطين و20 لحاف علشان نبطل نحلم بمعجزة في زمن اللامعجزات
    صدقني يالورانس احنا مابقاش لينا غير اننا نضحك ونتريق على اوضاعنا لاننا لو نقدناها بجد ومالاقيناش نتيجة ممكن يجرى لنا حاجة
    تحياتي لك عزيزتي
    وتحياتي لمرورك الرائع دائما
    كوني بخير

    ردحذف
  9. حلم كل امراة حتى لو اتغطت بالف لحاف يا ااستاذ نور
    نامى ياشيرى واحلامى مش كتير علينا نحلم لكنه حلم لن يقكون له تفسير لانه مجرد وهم سكن عقلك الباطن بعد يوم مرير

    ردحذف
  10. غير معروف
    ************
    بالتاكيد ساظل احلم
    ليست سقطة ان المرأة تسكن الحلم والاوهام
    وانما العيب الحقيقي في الرجل الذي لم يُسكنها واقعه الجميل ..
    وايضا لم يشتري لها اللحاف :)
    كن بخير غير معروف
    مع اجمل التحايا لهذا المرور الكريم

    ردحذف